﴿ الشافـي الله ﴾
قدمتها يوم25/04/2013
قاعة الحفلات بلدية تقرت
الشــافــي الله والسبـــة مـــنـا = سبحان اللي جعـل الـداء ودواه
قـدرها أمراض ليــنا وسلمــنا = خالقــنا حكيــــم لا راد لقضــاه
يبليـنا ومحــال عــنـه يهملــنا = سبحانه محال ينسى عبد بــلاه
المولى رحيــم بلطـفه عامــلنا = من غيره رحيم يلطف بمرضاه
لطف في قضاه فيه ســـا عفنا = عجـل بالشفـاء لمريضنا عفـاه
وألام الأوجــاع خفـفـها عــنا = سبحانه أيـوب من ضـره نجــاه
والصبـــر حتــى لـــو تألمـــنا = نسعـى للشفــاء أملــــنا شفــاه
بالعلـــم دوانا واحــنـا تعلمــنا = نأخــذ بالأسبـاب ســر تعلمــناه
و الطـب سبّـة و فيـــه تمكـنا = و الجديد فيه محـــال جهلــــناه
في الميدان تبان ثمـــة همتنا = كل مريض ضيف واجبنا نرعاه
فينــا أطبـــــاء فيهـــم أملــنا = ما يبخــل طبيـب باللـــي يقـراه
والممرض في البأس تحملنا = و ســر ضــرنا ستــره و خبــاه
ربي يجزيه ذي دعــوة مــنا = الخيــر اللــي داره فينا يلـــــقاه
ومحال نكفـوه قــد مــا قلـــنا = واللي يكافـي أفعالـــه مــــولاه
مجهـود الممرض أحـنا ثمـنا = ومجهــود الرجال أحـنا ثمــناه
والشكــر الحــار ليـه قــدمنا = و يا ربي جازي من فعله زكـاه
والصحـة برجالـها في بلدتـنا = واللـي جهـل أفضالـــهم خبّرنـاه
أسامي فيها الصحـة شرفتنا = واللي ما عرفـها سولنا ما تــاه
وفخرنـا بهم رجال صحـــــتنا = وفخــرنا بمجهـود مخلص قدرنـاه
نقدر الرجال هذه خصلتنا = والمخلــص فيـها عــــنا سيــدنــاه
وفخرنا بها الصحة مهنتنا = كل من شـرفــها الصحــة مجدنــاه
والقطاع أهله كلهم خاوتنا = تحيـــة تقديــــر لرجالـه و نســـاه
يا ربي بارك فيها وحدتنا = ارزقنا توفيـق والعــــــون طلبــناه
عبـادك وتعلـم بـها علـتنا = والمــؤمن مصــاب أمـرك قبــلناه
منك الشفاء وتكمل سبتنا = تشفــــي السقيـم يا عظيــم الجـاه
اشفينا والوالدين وخلفتنا= وكـل مريـض ليــــك ترفـع دعــاه
وبصلاةالرسول سيد امتنا = ختمناه قصيــــدنا وكمــل معـنـاه
❀❀
الخميس أبريل 25, 2013 12:40 pm
